Impacte Archiu Generau d'Aran
  • Imprimeix

Archiu Generau d'Aran

Seu de l'Arxiu General d'Aran

Sedença der Archiu

Era creacion der Archiu Generau d’Aran (AGA) siguec acordada miejançant un convèni soscrit eth 7 de seteme de 1995 entre eth Departament de Cultura e Miejans de Comunicacion dera Generalitat de Catalonha, eth Conselh Generau d’Aran e er Ajuntament de Vielha e Mijaran. Es sues installacions sigueren inaugurades peth Plan Aunorable Senhor Jordi Pujol, President dera Generalitat de Catalonha. Era sedença der Archiu ei Çò d’Ademà, antica bastissa senhoriau, mès coneishuda coma Casa deth Senhor d’Arròs. Aguest edifici siguec construït cap ar an 1820 per Francisco Ademà Subirà. Era Casa tanben ei era sedença institucionau deth Conselh Generau d’Aran.

Er Archiu Generau d’Aran ingrèsse ordinàriament era documentacion deth Conselh Generau d’Aran atau com d’autes institucions publiques deth territòri e, miejançant convèni era d’institucions privades o ben de persones fisiques o juridiques que volguen cedir en depòsit o dar es sòns hons d’acòrd damb aquerò qu’establís era Lei 10/2001, d’archiu e documents.

Coma hons notables remercam era documentacion istorica dera maxima institucion aranesa e eth gran volum de hons patrimoniaus procedents de diuèrses cases pairaus araneses. Era bibliotèca auxiliara compde damb libres de tematica comarcau e sciéncies sociaus en generau.